Albaabkano

Madaxweynaha Maamulka Jubbaland Axmed Madoobe ayaa maanta shir guddoomiyay shir aan caadi aheyn oo ay isugu yimaadeen Golaha Wasiirada, kaasoo looga hadlayay arrimaha ka jira deegaanada maamulkiisa iyo xaalada siyaasadeed ee dalka. Axmed Madoobe ayaa Golaha Wasiirada uga warbixiyay halka ay mareyso xaalada siyaasadeed ee dalka, isagoo xusay in meel wanaagsna ay marayaan dadaalada uu ugu jiro sidii Kismaayo loogu qaban lahaa kulan wada tashi ah. Waxa uu sheegay in kulanka wada tashi looga hadli doono xal u raadinta khilaafka ka dhashay go’aamadii iska hor yimid ee dowladda Federaalka iyo qaar ka mid ah dowlad goboleedyada ee la xiriiray khilaafka dalalka Khaliijka. Madaxweyne Axmed Madoobe ayaa faray dhamaan Golaha Wasiirada inay u diyaar garoobaan sidii shirkaas si habsami leh ugu qabsoomi lahaa, isagoo ka codsaday shacabka inay ka shaqeeyaan nabadgelyada. Intaas kaddib Golaha Wasiirada Jubbaland ayaa isku raacay in loo diyaar garoobo qabsoomida shirka, iyadoo martida ka qeyb g...

Madaxweynaha Dowlad Goboleedka Hirshabelle Maxamed Cabdi Waare ayaa kulama kale duwan maanta kula yeeshay Madaxda Hey’adaha Qaramada Midoobay iyo Saraakiisha Ciidamada Midowga Africa ee AMISOM, iyadoo Kulamadaasi looga hadlay arrimo kale duwan oo la xiriira xoojinta Wada shaqeynta UN-ka, AMISOM,iyo Hirshabelle. Kulanka hore ayaa Madaxweynaha Dowlad Goboleedka Hirshabelle  Maxamed Cabdi Waare iyo Wafdiga la socda waxay ay kulan la qaateen qeybaha kale duwan Hey’adaha Qaramada Midoobay ee isugu jira kuwa horumarinta iyo kuwa samafalka, waxaana ay ka wada hadleen sidii hey’adaha ay uga qeyb qaadan lahaayeen horumarinta iyo caawinta dadka reer Hirshabelle oo dhibaatooyin kale duwan oo abaarta ay ugu weyntahay aynan ka soo kabsan. Madaxweynaha Dowlad Goboleedka Hirshabelle ayaa si qoto dheer sharaxaad uga siiyay Hey’adaha baahida ka jirta Dowlad Goboleedka iyo sida lagama maarmaanka ay u tahay baahiyahaasi in laga qeyb qaato sidii looga jawaabi lahaa, waxaana uu kaga mahadceliyay h...

Xildhibaanada iyo Senatarada laga soo doorto dowlad goboleedka Galmudug oo booqasho ku tegey shalay magaalada Cadaado ayaa warmurtiyeed saddex bog ka kooban ka soo saaray khilaafka ka dhex jira Maamulka sare ee Galmudug. War Murtiyeedkan ayay xildhibaanada iyo Senatarada ku sheegeen in Madaxweynaha Galmudug Axmed Ducaale Geelle uu oggolaaday in wadahadal lagu xalinayo khilaafka uu la yeesho dhinacyada ka soo horjeeda balse Madaxweyne ku xigeenka iyo guddoomiyaha Baarlamaanka ay diideen in wax wadahadal ah la galaan Xaaf maadaama uu yahay qof kalsoonidii ay kala laabteen xildhibaanada Galmduug. Xildhibaanada iyo Senatarada ayaa ku eedeeyay madaxda sare ee dowlada federalka ay farogelin ku hayso maamulka Galmudug ayna ka dambeyso khilaafka ka jira, waxaana si gaar ah loogu xusay warmurtiyeedkan in musharax ay wataan madaxda dowlada federalka uu ku sugan yahay Cadaado ayna maalgelinayaan. Halkan ka akhriso War Murtiyeedka laga soo saray Cadaado

Madaxweyne Maxamed Cabdulahi Farmaajo iyo wafdi uu hogaaminayay oo booqasho ku tegey wadanka Boqortoyada Sacudi Carabiya ayaa dib ugu soo laabtay magaalada Muqdisho iyadoo sidoo kale Ra’iisal Wasaare Xasan Cali Kheyre uu caawa dib ugu soo laabtay magaalada Muqdisho kadib markii uu ka soo qeybgalay shirka golaha guud ee Qaramada Midoobay ee lagu qabtay dalka Maraykanka. Wafdiga Madaxweynaha oo uu ka mid ahaa Wasiirka Arrimaha Dibada Yuusuf Garaad ayaa si weyn loogu soo dhoweeyay garoonka diyaaradaha. Sidoo kale  Ra’iisul wasaaraha Xukuumadda Federaalka ah ee Soomaaliya Xasan Cali Kheyre iyo wafdi uu hoggaaminayo ayaa caawa kasoo degay garoonka Diyaaradaha ee Magaalada Muqdisho, kadib markii  magaalada New York ee dalka Mareykanka ay uga qeyb galeen Shirweynahii 72aad ee Golaha guud ee Qaramada midoobay. Ra’isul Wasaaraha iyo wafdigiisa ayaa waxaa garoonka kusoo dhaweeyey Masuuliyiin ka tirsan Madaxda Dowladda Federaalka ah ee Soomaaliya iyadoo uu noqday ra’iisal wasaare...